Clientes o día de mañá

Polémica en Bilbao porque unha cafetaría non deixa entrar aos cativos. E para rematar o asunto, vai o presidente dos hostaleiros e alega que moitos pais pensan que un establecemento deses é un parque de xogos. Non, non é un parque de xogos nin unha gardaría; pero deberían pensar que eses cativos van ser clientes o día de mañá.

Na Valenzá hai unha cafetaría que ata lle ten xoguetes para os nenos. Estes xogan e os clientes gozan vendo xogar aos nenos. E que eu saiba non son unha molestia para os demais.

Mal asunto se xa empezamos a discriminar á xente dende tan cativos. De todas formas, eu non me preocuparía moito; repito, eses cativos serán adultos o día de mañá e actuarán con esa cafetaría tal como actuou ela con eles.