lunes, 20 de mayo de 2024
Un expositor que resultou premiado pola organización da Feira, polo seu deseño, atención ao público e calidade dos materiais de promoción, convertendo á Comunidade galega nunha das máis premiadas na historia do certame. O stand acolleu, ademais, presentacións e degustacións de productos gastronómicos, así como unha mostra de artesanía galega a cargo de dúas redeiras da Asociación de Redeiras de Corme. Tamén de música e cultura galegas a cargo de Ailá, Mondra e Lil Kids durante a fin de semana na que tamén se contou cunha representación dos persoeiros dos Entroidos galegos.
Proba do éxito de afluencia ao expositor galego foi que se esgotaron gran parte do material promocional durante a fin de semana. O espazo de negocios xestionado polo Clúster de Turismo de Galicia acolleu un total de 400 reunións nas que participaron máis de 1.500 profesionais do sector, a cifra máis alta de participación acadada ata o momento. México, Portugal e Estados Unidos foron os principais países que se interesaron polo destino Galicia.
Fitur é a primeira gran cita de promoción turística na que participa Galicia cada ano, á que lle darán continuidade durante este 2024 ao redor de 30 feiras de ámbito nacional e internacional dentro do plan anual de promoción do destino organizado por Turismo de Galicia.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
