lunes, 3 de junio de 2024
Atendendo ás modalidades, no réxime ordinario presencial foron adxudicadas o 83% das prazas, mentres que no réxime de adultos a distancia e semipresencial esta porcentaxe elévase ao 87% das prazas. No caso do réxime de adultos presencial é do 75%.
A oferta máis ampla da historia
Cómpre lembrar que o vindeiro curso Galicia vai contar coa oferta de FP máis ampla da historia, con 42.174 prazas de novo ingreso, o que supón que a Xunta de Galicia crea 4.500 prazas, un incremento do 12% respecto do ano académico que remata. En total, o catálogo está conformado por 182 titulacións diferentes entre ciclos, másteres de FP ou programas formativos para persoas con necesidades educativas especiais.
Os encontros sectoriais e territoriais do Plan Conecta FP Galicia e o contacto directo cos centros educativos foi a principal vía para elaborar a oferta, atendendo ás necesidades manifestadas tanto polos máis de 300 centros integrados e institutos participantes, como polas 10.000 empresas e 400 asociacións e clústeres que se implicaron no desenvolvemento destas reunións.
Froito da información recabada nestas xuntanzas, deseñouse unha oferta centrada en cubrir todas as necesidades existentes nos territorios, con medidas dirixidas a aumentar o número de prazas no rural, a incrementar o número de sectores, co crecemento en case todas as familias, e a fomentar a FP a distancia, a integración e os programas formativos básicos para o alumnado con necesidades educativas especiais.
Tivo lugar a entrega de distintivos Q e S de Calidade Turística 2024 da Axencia de Turismo de Galicia. Este ano entregáronse 53 novas distincións Q de Calidade e 39 S de Sostibilidade. Actualmente, Galicia é a segunda comunidade autónoma con máis distintivos Q e a cuarta de distintivos S. O sector turístico galego atravesa un dos seus mellores momentos, con cifras récord no 2023 e cada vez máis diversificado e desestacionalizado, e con máis de 1,3 millóns de viaxeiros que se aloxaron nos establecementos turísticos galegos nos primeiros catro meses do ano e á crecente tendencia á internacionalización do destino, cun crecemento do 5% do número de turistas estranxeiros que se aloxaron en Galicia no que vai de ano.
Un total de 106 universitarios que remataron os seus estudos no ano 2023 veñen de ser galardoados cos Premios fin de carreira pola súa excelencia académica. Así o recoñece a Xunta de Galicia, que publica hoxe no Diario Oficial de Galicia (DOG) a resolución con estas distincións. O 62% do alumnado recoñecido son mulleres e, do total de galardoados, 52 pertencen á Universidade de Santiago de Compostela, 35 á de Vigo e 19 á da Coruña. Os mellores expedientes distribúense entre 64 titulacións nos diferentes campus.
