Noticias

A Xunta lamenta que o Goberno ten os fondos europeos nun punto morto e non dá resposta aos proxectos transformadores cos que conta Galicia

O vicepresidente primeiro e conselleiro de Economía, Industria e Innovación, Francisco Conde, participou hoxe en Madrid na V Conferencia sectorial para a mellora regulatoria e o clima de negocios, na que insistiu na colaboración por parte da Xunta e reclamou unha cogobernanza efectiva e real das Comunidades Autónomas na xestión dos fondos europeos. Conde sinalou que Galicia ten identificados proxectos que poderían impulsar a industrialización e a transformación do tecido produtivo que non están atopando resposta nos fondos europeos

Insistiu tamén en que é precisa unha maior axilización na execución dos mesmos. “Temos proxectos moi importantes como Resonac (antes Showa Denko), Altri, Stellantis ou Sentury que non teñen concretado como acceder a estes fondos”, apuntou o vicepresidente primeiro da Xunta, quen subliñou que “estamos nunha situación de punto morto” tanto na adxudicación das axudas como na concesión de préstamos.

Segundo remarcou o responsable de Economía, Industria e Innovación en relación aos Perte, “nestes momentos tan só se ten convocado un 30% das axudas con apenas un 13% das resolucións”, e polo tanto, indicou que “existe unha enorme dificultade para que os investidores poidan tomar decisións”. Tal e como subliñou Conde, non houbo propostas concretas por parte do Ministerio, “simplemente se nos trasladou a importancia de trasladar achegas, pero non houbo contestación ás achegas que xa temos trasladado”, e tampouco se concretaron cales son as condicións coas que as empresas van poder acceder aos préstamos.

R., 2023-01-30

Actualidad

Foto del resto de noticias (reciclaxe_vidro.jpg) Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
Foto de la tercera plana (doazons.jpg) A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.

Notas

A Asociación de amigos do Camiño de Santiago da provincia de Lugo que preside Ángel Trabada, ven de celebrar o Día das Letras Galegas en Vietnam, sendo posiblemente os primeiros galegos que celebraron o día 17 esta efeméride. Eran as 5,30 da mañá en España (10,30 en Vietnam), estando o grupo lucense percorrendo a Bahía de Halong a bordo do Amanda Cruise, cando se xuntaron para contemplar a mensaxe audiovisual enviada desde Galicia polo xornalista Xulio Xiz, membro da Asociación.
Creada para impulsar a visibilidade dos creadores máis novos, o Festival de Cans seleccionou dez curtas para a súa sección Novas Camadas, das que cinco tiveron a súa orixe na UVigo. As curtas dos estudantes Juan Ares, Anxo González, Miguel Romero e Rebeca Tella e Daniel F. Filloy, xunto co traballo de fin de grao de Manu Sacoga optarán ao premio dunha sección dirixida a cineastas menores de 25 anos.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES